|
Il-kampanja għandha l-għan li tgħaqqad in-nies biex jaqsmu l-esperjenzi tagħhom dwar l-użu sostenibbli ta' l-enerġija u soluzzjonijiet dwar l-enerġija. B'hekk huma jitgħallmu minn xulxin u jxerrdu l-għarfien tagħhom madwar l-Ewropa dwar l-użu effiċjenti ta' u soluzzjonijiet dwar enerġija alternattiva biex jiġi indirizzat it-tibdil fil-klima.
Hemm varjetà ta' modi kif wieħed jista' jinvolvi ruħu fil-kampanja, mill-organizzazzjoni ta' Jiem lokali ta' l-Enerġija għal sempliċiment passi biex tiġi ffrankata l-enerġija fid-dar jew fi skola. Il-kampanja trid tikkonvinċi kemm jista' jkun nies li l-impenn meħud lejn l-użu sostenibbli ta' l-enerġija huwa investiment għall-futur ta' l-Ewropa.
PlasticsEurope hija Assoċjat fil-Kampanja Enerġija Sostenibbli fl-Ewropa u ddeċidiet li tniedi l-websajt FuturEnergia u l-attivitajiet marbuta magħha biex tgħin ħalli jinkisbu l-għanijiet tal-kampanja.
| 
Enerġija Sostenibbli fl-Ewropa 2005-2008 hija kampanja tal-Kummissjoni Ewropea biex jiżdied l-għarfien u jitbiddel ix-xenarju ta' l-enerġija. L-għan tagħha hu li tbiddel l-imġiba tan-nies biex jagħmlu aktar użu minn enerġija sostenibbli fl-oqsma ta' l-effiċjenza ta' l-enerġija, trasport nadif, fjuwils u enerġija rinnovabbli.
