Kont taf li l-bini bil-plastiks jiffranka enerġija u flus, u jħares l-ambjent?

Allura dan il-plastik kollu għalxiex jintuża? Pajpijiet tal-plastik għall-ġarr ta’ ilma jew drenaġġ, twieqi magħmula mill-plastiks li jiżguraw li s-sħana u l-frisk jibqgħu ġewwa u l-istorbju jibqa’ barra! Għata għall-art magħmul mill-plastik (bħalma forsi għandkom fil-kċina), fowm magħmul mill-plastik li jintuża għall-insulazzjoni tad-dar u fuq kollox, il-plastiks jintużaw ukoll f’ħafna apparati differenti – il-plastiks jintużaw saħansitra fil-pedamenti tad-dar u fiż-żebgħa!

Dak li jagħmel il-plastik materjal ideali għall-bini huwa l-fatt li huwa jista’ jkun b’saħħtu, jiflaħ għat-temp, jiflaħ għas-sħana u flessibbli. Il-plastiks huma wkoll ħfief fil-piż u jeħtieġu ftit manutenzjoni (ma jissaddux u ma jitmermrux). Dan jagħmilhom ideali għall-industrija tal-kostruzzjoni. Hemm ukoll ‘il fuq minn 50 familja differenti ta’ plastiks u kull waħda għandha xi ħaġa differenti x’toffri lill-industrija tal-bini.

Għaliex il-plastik huwa daqshekk importanti? Fid-dinja ta’ llum, l-effiċjenza fl-enerġija hija essenzjali ħafna. Fil-fatt, minbarra t-trasport, is-settur ta’ l-akkomodazzjoni huwa t-tieni l-akbar konsumatur ta’ enerġija. Il-plastiks huma tajbin ħafna għall-insulazzjoni u għall-issiġillar u dan jgħin ħafna fit-titjib ta’ l-effiċjenza fl-enerġija u fit-tnaqqis ta’ emissjonijiet ta’ C0₂.